MARBACHIUS Johannes

MARBACHIUS Johannes

Lindaviensis, Argentorati docuit, huiusque Magistratus missu ut Concilio Tridentino interesset, A. C. 1551. eô disturbatô reversus, Casp. Hedioni in Pastoratu Ecclesiae surrogatus et Theologiae Prof. cratus est. A. C. 1552. Obiit A. C. 1581. aetat. 60. aliquot scriptorum Auctor. Melch. Adami Vit. Theolog. Coetreum, Hieron. Zanchii Collega fuit. Qui cum simul docerent Euangelium Argentorati, dissentire de quibusdam capitibus, ac ut plerumque in istiusmodi concertationibus solet, magis magisque Auditorum suorum animos distrahere coeperunt, circa A. C. 1560. Quô primum tempore audita fuere, Calvinianorum et Lutheranorum nomina schismatica (cum prius Euangelici omnes Reformatorum nomine designarentur) ac de duobus praecipue artieulis odiô implacabili disputatum, divina Praedestinatione ac Ubiquitate corporis Christi. Schisma dein vehementius actum, cum Ioh. Andreas Schmidelinus Theologus Wirtebergensis tandem librum Concordiae procudit, e quo velut equo Troiano, longe acriora Theologorum odia prosiluêre. Georg. Hornius Orbe Imper. p. 50.